Размер шрифта: A A A
Изображения Выключить Включить
Цвет сайта Ц Ц Ц
обычная версия сайта
Mobil versiya

«O'zeltexsanoat» uyushmasi

"ELXOLDING" IIB MCHJ


“ЭЛХОЛДИНГ” Илмий-ишлаб чиқариш бирлашмаси 1988 йилда тузилган ва 1997 йилдан бошлаб ўқув-лаборатория ускуналари, физика, химия, биология, астрономия кабинетлари учун кўргазмали қуроллар, математика, чизмачилик, она тили ва чет тиллари, шунингдек бошқа махсус фанлар бўйича кўргазмали қуроллар ишлаб чиқариш ва етказиб беришга ихтисослашган.

Ҳозирги кунга келиб “ЭЛХОЛДИНГ” ИИБ ходимлари сони 500 нафардан ошиб кетди. Улардан 3 нафари фан доктори, 1 нафари академик, 9 нафари фан номзоди ва 222 нафари бакалавр ва магистрдир.

Ҳозирги кунда “ЭЛХОЛДИНГ” ИИБ Ўзбекистонда ўқув муассасалари учун ўқув ускуналари ва материалларини етакчи ишлаб чиқарувчиси ва етказиб берувчиси ҳисобланади.

Компания охирги 11 йил мобайнида ўқув маҳсулотларини ўрта махсус ўқув муассасалари ва умумтаълим мактабларига етказиб беришни муваффақият билан амалга оширмоқда, шунингдек Россия, Қозоғистон, Озарбайжон, Латвия ва Туркманистонга экспорт қилмоқда.

Мотоциклларнинг иккита – фермер хўжаликлари учун уч ғилдиракли юк ташиш, аҳоли учун икки ғилдиракли модификациясини ишлаб чиқариш фаолиятнинг янги йўналиши ҳисобланади. 2008 йилда 6000 мотоцикллар ишлаб чиқариш режалаштирилган.

Йиллар мобайнида ўқув ускуналари ишлаб чиқариш соҳасида етказиб берилаётган маҳсулонинг номенклатураси анчагина кенгайди. Ҳозирги кунда корхона Республикадаги ўқув муассасаларига 650 номда ускуна ва ашёлар: химреактив комплектлари, электр ускуналар, ўлчов приборлари, шиша ва пластмассадан ясалган лаборатория идишлари, намойиш қилувчи ва лаборатория приборлари, проекция қўлланмаси, табиий обектлардан тайёрланган кўргазмали қуроллар, ўқув плакатлари ва ҳ.к.лар етказиб беради.

50 номдаги прибор ва қўлланмалар ишлаб чиқилмоқда ва тайёрланмоқда. Шу билан бирга импорт қилинадиган мамлакатлардаги ўқув жараёни талабларига мувофиқ махсус экспорт учун мўлжалланган ўқув маҳсулотлари ишлаб чиқилмоқда.

2007 йилда компания умумтаълим мактабларига 16 млрд. сўмлик ўқув-лаборатория ускуналарини етказиб бериш, 5 млрд. сўм суммага коллеж ва лицейларни жиҳозлаш бўйича шартномаларни бажарди. 2007 йил мобайнида Россия, Қозоғистон, Озарбайжонга маҳсулот етказиб бериш бўйича 8 та экспорт шартнома тузилган ва унинг доирасида 480,3 минг АҚШ долларига маҳсулот сотилган.

Ускунадан тўғри ва оқилона фойдаланиш, унинг сифатини яхшилаш мақсадида компания мутахассислари томонидан ўқув жараёнида ускуналарни қўллаш бўйича ўқитувчилар билан семинарлар ва ўқув тренинглари ўтказилади.

Бош директор

Шуруров Донш Эсаевич

Манзил

Ўзбекистон Республикаси, Самарқанд ш., Гагарин кўчаси 36

Телефон

(+998 66) 234-22-72

Факс

(+998 66) 234-08-47

E-mail

elxolding@el.uz

Сайт

www.el.uz

 

Распечатать Просмотров: 894 04 Дек 2018