Размер шрифта: A A A
Изображения Выключить Включить
Цвет сайта Ц Ц Ц
обычная версия сайта
Mobil versiya

«O'zeltexsanoat»

aksiyadorlik kompaniyasi

Хашимов Мансур Рустамович


Компания бошқарув раисининг биринчи ўринбосарнинг функциялари:

-..Инвестиция таклифларини, лойиҳа ҳужжатларини ишлаб чиқиш ва экспертизадан ўтказиш ҳамда хорижий инвестицияларни жалб этиш бўйича умумий бошқарувни амалга ошириш;

-..ҳар йили тармоқ ташкилотларини модернизациялаш ва ривожлантириш, лойиҳалар рўйхатини ва уларни молиялаштириш манбаларини ўз ичига оладиган, шу жумладан маҳсулотни маҳаллийлаштиришни чуқурлаштиришга қаратилган дастурларини ишлаб чиқади ва янгилайди, шу асосда Инвестиция дастурини шакллантиришда қатнашади;

-..саноат тармоқларини, хизматлар ва иқтисодиётнинг ижтимоий соҳасини ривожлантириш ва модернизациялаш давлат ва тармоқ дастурларига киритиш учун лойиҳа таклифлари рўйхатини шакллантиради ва доимий равишда янгилайди;

-..инвестиция таклифини ва паспорт, бизнес-режани, дастлабки техник-иқтисодий асослаш, техник-иқтисодий ҳисоблаш ҳамда лойиҳанинг ўзига хослигини ҳисобга олган холда бошқа зарур ҳужжатларни ўз ичига оладиган лойиҳа ҳужжатлари ишлаб чиқилиши, келишилиши ва белгиланган тартибда тасдиқланишига кўмаклашади;

-..инвестиция лойиҳаларини амалга ошириш учун хорижий инвестициялар ва кредитлар жалб этилишига тўсқинлик қилувчи омилларни аниқлайди ҳамда уларни бартараф этиш, хорижий инвестицияларни жалб этиш соҳасида норматив-ҳуқуқий базани такомиллаштириш, инвестиция муҳитини янада яхшилаш ва ушбу йўналишда иш самарадорлигини ошириш бўйича таклифлар киритади;

-..хорижий мамлакатлар ва трансмиллий корпорацияларнинг инвестиция қўйиш ва саноат ихтисослашуви имкониятларини таҳлил қилади, потенциал инвесторларнинг техник ва молиявий имкониятларини ўрганади ва шу асосда уларнинг инвестицияларини аниқ тармоқ ва лойиҳага жалб этиш бўйича таклифлар тайёрлайди;

-..ишлаб чиқарувчилар бўйича жаҳон даражасидаги янги илғор технологияларни, техник параметрларни ва асбоб-ускуналар, технологиялар ва хизматларнинг қийматларини таҳлил қилади, уларнинг маълумотлар базасини шакллантиради ва доимий равишда янгилайди;

-..лойиҳаларни амалга ошириш учун меморандумлар, таъсис ҳужжатлари, инвестицион ва молиявий битимлар ва бошқа ҳужжатлар лойиҳаларини тайёрлайди ва белгиланган тартибда келишади;

-..инвестиция лойиҳаларини тайёрлаш тармоқ жадвалларини ишлаб чиқади, келишади ва белгиланган тартибда тасдиқлайди ҳамда уларнинг ўз вақтида бажарилишини таъминлайди;

-..инвестиция лойиҳаларининг тайёрланиши тўғрисидаги ахборотни тайёрланишини назорат қилади ҳамда унинг мунтазам равишда Иқтисодиёт вазирлиги ҳамда Ташқи савдо вазирлигига тақдим этилиш назорат қилади;

-..делегациялар, миссиялар, хорижий инвесторлар, халқаро молиявий ва иқтисодий институтлар, хорижий ҳукумат молия ташкилотлари вакилларининг муваффақиятли ва самарали ишлаши учун зарур ташкилий, ахборот ва маслаҳат ёрдами кўрсатади, шунингдек лойиҳаларни тайёрлаш, баҳолаш ва шарҳлаш учун зарур тадбирларни ташкил этиш ва ўтказишда уларга кўмаклашади;

-..инвестиция лойиҳаларини амалга ошириш тўғрисида Ҳукумат қарорлари лойиҳалари тайёрланиши, келишилиши ва тасдиқлаш учун киритилишини таъминлашга оид зарур чора-тадбирларни амалга оширади;

-..корхоналарга инвестиция лойиҳаларини ишлаб чиқаришда тўғридан тўғри инвестициялар, Ҳукумат кафолати остидаги имтиёзли кредитлар ва бюджет маблағларни жалб қилишда кўмаклашиш;

-..компания таркибига кирувчи корхоналарнинг оғзаки ва ёзма сўровномаларига тезкор жавоб бериш ҳамда уларнинг техник-ишлаб чиқариш фаолиятидаги саволларида амалий ёрдам бериш.

.Инвестиция лойиҳалари ва маҳаллийлаштириш лойиҳалари амалга оширилиши мониторингини амалга оширади:

-..саноатни техник ва технологик жиҳатдан қайта жиҳозлаш дастурларига, тармоқ дастурларига ва Инвестиция дастурига киритилган инвестиция лойиҳаларини амалга оширишнинг тармоқ жадвалларини ишлаб чиқади, келишади ва белгиланган тартибда тасдиқлайди;

-..компания тузилмасида амалга оширилаётган инвестиция лойиҳалари, шу жумладан хорижий инвестициялар ва кредитлар иштирокидаги инвестиция лойиҳаларни, саноатни техник ва технологик жиҳатдан қайта жиҳозлаш лойиҳаларни амалга ошириш тармоқ жадвалига мувофиқ уларни фойдаланишга топширишга қадар ўз вақтида ва самарали амалга оширилишини таъминлайди;

-..тендер ҳужжатлари ўз вақтида ишлаб чиқилишини ва белгиланган тартибда келишилишини таъминлайди, тендер (танлов) савдолари ўтказилгунга қадар харид қилинадиган товарлар ва хизматлар бозори конъюнктурасини маркетинг йўли билан, шу жумладан Ўзбекистон Республикасида аккредитация қилинган консалтинг компанияларини жалб этган холда ўрганади;

-..тендер (танлов) савдолари ўз вақтида ўтказилишини, контрактлар тузилишини белгиланган тартибда таъминлайди, уларни экспертизадан ва рўйхатдан ўтказилишига кўмаклашади;

-..Ўзбекистон Республикаси қонун ҳужжатларига, халқаро қоидаларга ҳамда тегишли халқаро молиявий иқтисодий институтлар ва хорижий ҳукумат молия ташкилотларининг тартиб-қоидаларига мувофиқ тузилган контрактлар бўйича асбоб-ускуналар, материаллар етказиб бериш ҳамда ишлар ва хизматларни бажариш мониторингини амалга оширади;

-..имзоланган контрактлар бўйича инвестиция битимларининг хорижий шериклари, етказиб берувчилар ва пудратчилар, инвестиция лойиҳаларини тузилган контрактларга қатъий мувофиқ равишда ўз вақтида молиялаштириш бўйича ваколатли банклар томонидан мажбуриятлар бажарилиши устидан мониторинг олиб боради;

- Давлат инвестиция дастури ва бошқа дастурлар, шу жумладан тармоқ дастурларини шакллантириш юзасидан таклифлар киритади;

-..инвестиция лойиҳалари амалга оширилиши тўғрисидаги ахборотни келишилган шакл бўйича мунтазамлилик асосида Иқтисодиёт вазирлигига ҳамда Ташқи савдо вазирлигига тақдим этади;

-..инвестициялар ва кредитлар жалб этилишига тўсқинлик қилаётган омилларни аниқлаш ва таҳлил қилиш асосида уларни тезкор бартараф этиш, инвестиция лойиҳаларини амалга ошириш, инвестицияларни жалб этиш соҳасида норматив-ҳуқуқий базани такомиллаштириш, инвестиция муҳитини янада яхшилаш ва ушбу йўналишда иш самарадорлигини ошириш бўйича таклифлар ишлаб чиқади.

 

Распечатать Просмотров: 759 27 Ноя 2017