Размер шрифта: A A A
Изображения Выключить Включить
Цвет сайта Ц Ц Ц
обычная версия сайта
Mobil versiya

«O'zeltexsanoat»

aksiyadorlik kompaniyasi

Kompaniya haqida


“Ўзэлтехсаноат” акциядорлик компанияси тўғрисида

Ўзбекистон Республикаси Президентининг 1994 йил 21 январдаги “Иқтисодий ислоҳотларни янада чуқурлаштириш, хусусий мулк манфаатларини ҳимоя қилиш ва тадбиркорликни ривожлантириш чора-тадбирлари тўғрисида”ги Фармонига асосан, Ўзбекистон Республикаси Вазирлар Маҳкамасининг 1994 йил 17 мартдаги 144-сон қарори ҳамда таъсис мажлиси қарори асосида “Радиоэлектронтехасбоб” Ўзбекистон радиоелектроника, электротехника ва асбобсозлик саноати консерни “Ўзэлтехсаноат” уюшмаси етиб қайта ташкил этилди.

Ўзбекистон Республикаси Президентининг “Хўжалик бошқаруви органлари тизимини такомиллаштириш тўғрисида”ги 2003 йил 22 декабрдаги 3366-сон Фармони ҳамда Ўзбекистон Республикаси Вазирлар Маҳкамасининг 2004 йил 30 апрелдаги “Ўзбекистон радиоэлектроника, электротехника ва асбобсозлик саноати корхоналари уюшмаси фаолиятини такомиллаштириш тўғрисида”ги 205-сон Қарори билан компаниянинг ташкилий тузилмаси ташкил этилди ва унинг асосий фаолияти йўналишлари белгиланди.

“Ўзэлтехсаноат” аксиядорлик компанияси Ўзбекистон Республикаси Президентининг 2014 йил 6 февралдаги “2014-2018 йилларда республика электротехника саноатини бошқаришни ташкил этишни такомиллаштириш ва янада ривожлантириш чора-тадбирлари тўғрисида”ги ПҚ-2123-сон қарорига мувофиқ “Ўзэлтехсаноат” компаниясини қайта ташкил қилиш тартибида ташкил этилди.

“Ўзэлтехсаноат” аксиядорлик компанияси “Ўзэлтехсаноат” компаниясининг ҳуқуқ ва мажбуриятлари бўйича ҳуқуқий ворис ҳисобланади.

Ўзбекистон Республикаси Вазирлар Маҳкамаси Аксиядорлик жамиятлари фаолиятининг самарадорлигини ошириш ва корпоратив бошқарув тизимини такомиллаштириш комиссиясининг 2015 йил 21 декабрдаги 8-сон протоколига асосан “Ўзэлтехсаноат” аксиядорлик компанияси структураси қайта шакллантирилди.

2017 йил 13 феврал - Ўзбекистон Республикаси Президентининг “2017-2021 йилларда республика электротехника саноатини жадал ривожлантириш ва диверсификация қилиш ва бошқарувини ишни янада такомиллаштириш чора-тадбирлари тўғрисида”ги ПҚ-2772-сон қарорига мувофиқ “Ўзэлтехсаноат” аксиядорлик компанияси структураси қайта шакллантирилди ва тегишли функцияларни бажариш белгиланди.

Компаниянинг фаолият соҳаси (асосий йўналишлари) ва мақсадлари:

Қуйидагилар компания фаолиятининг асосий вазифалари ва фаолият йўналишлари ҳисобланади:

– электротехника тармоғи корхоналарининг сифатли рақобатбардош маҳсулотлар ишлаб чиқаришни кенгайтиришга йўналтирилган ишлаб чиқариш ва маркетинг фаолиятини мувофиқлаштириш, ички ва ташқи бозорларда ишлаб чиқариладиган маҳсулотларга бўлган талаблар конъюнктурасини тубдан ўрганишни ташкил қилиш ва шу асосда тармоқ корхоналарида янги талабгор электротехника маҳсулотлари турлари ва номенклатурасини ишлаб чиқаришни йўлга қўйишда яқиндан кўмаклашиш;

– тармоқ корхоналарида янги юқори самарали технологияларни кенг жорий этишни кўзда тутувчи ягона техник сиёсат юритиш, саноат кооперасияси асосида тайёр маҳсулотлар, бутловчи қисмлар ва буюмлар ишлаб чиқаришни маҳаллийлаштиришни янада чуқурлаштириш;

– электротехника маҳсулотлари ишлаб чиқаришни кенгайтириш ва модернизасиялаш бўйича муҳим инвестисия лойиҳаларини амалга оширишни таъминлашга йўналтирилган фаол инвестисиявий сиёсат юритиш, қўшма корхоналар тузиш учун тармоққа таниқли жаҳон савдо маркалари остида мураккаб маиший электротехника жиҳозларини ишлаб чиқарувчи стратегик хорижий сармоядорларни жалб этиш;

– электротехника тармоғи корхоналарини замонавий юқори малакали кадрлар билан кучайтириш, муҳандис-техник ва бошқарув ходимларини тайёрлаш, қайта тайёрлаш ва мунтазам равишда малакасини ошириш;

Электротехника саноати соҳаси Ўзбекистон инфраструктураси соҳаларидан бири ҳисобланади. “Ўзэлтехсанот” АК Ўзбекистон Республикаси Вазирлар Маҳкамаси машинасозлик, автомобил ва электротехника саноатини ривожлантириш, маҳсулотларни стандартлаштириш масалалари комплексига киритилган бўлиб, иш фаолияти Вазирлар Маҳкамаси томонидан мувофиқлаштириб борилади.

Распечатать Просмотров: 5102 10 Дек 2018